Inskryfstappe

1. Lees die Reëls

Maak seker jou inskrywing is geldig. Alle inskrywings moet goedgekeur word deur die Handelsnaam/Kliënt en moes kommersieel gepubliseer, bekendgestel of uitgesaai gewees het.

 

2. Bestudeer die kategorieë en inskryfgeld

Maak seker jy skryf jou werk in die korrekte kategorie in en vergewis jou van die inskryfgeld. Wanneer die inskrywings geprosesseer word en voor die beoordeling mag Pendoring inskrywings na ’n toepaslike kategorie skuif word. Dit bly egter jou verantwoordelikheid, as deelnemer, om jou inskrywings in die korrekte kategorie in te dien.

Gedurende die beoordeling mag die beoordelaars nie inskrywings tussen kategorieë rondskuif nie.

Sluitingsdatum vir inskrywings is 1 Augustus 2017. ’n Heffing van 10% is van toepassing op laat-inskrywings.

 

3. Voorbereiding van inskrywings

Elke kategorie het sy eie voorbereidingsvereistes. Maak seker wat vir jou inskryfkategorie vereis word en dat jou werk in die korrekte formaat ingedien word.

Kliek hier vir meer inligting
 

4. Stuur jou inskrywings aanlyn

Alles inskryfvorms word aanlyn ingevul via pendoring.co.za

Onthou – meet twee maal, sny een maal!

Ons het baie hulpmiddels om jou te help om jou inskrywings na te gaan voordat jy dit finaliseer – met inbegrip van ons baie handige ‘bestuur media’-vorm om 'n vinnige oorsig van al jou inskrywings te kry.

Kliek hier vir meer inligting oor die inskryfstelsel

 

5. Laai van digitale lêers en versending van fisieke materiaal

Alle elektroniese media kan met behulp van die inskryfstelsel gelaai word.

Fisieke inskrywings moet nie later as 1 Augustus 2017 by Mediapark, Kingswaylaan 69, Aucklandpark, afgelewer word nie.
Sodra jou inskryfvorm voltooi is, sal jy die inskryf- en verpakkingsetikette kan uitdruk.

 

6. Vra vir hulp

As jy in enige stadium hulp soek, bel ons by 011 713 9781 of stuur ’n e-pos aan Pendoring@media24.com

As jy onseker is van die kategorie waarin jy jou werk moet inskryf, of hoe om jou inskrywing voor te berei, sal ons jou help en riglyne verskaf.